Neges y Gweinidog

Un o adnodau trist llyfr y proffwyd Jeremeia yw’r adnod sy’n dweud “Aeth y cynhaeaf heibio, darfu’r haf a ninnau heb ein hachub” Jeremeia 8 (20)

Mae’n wir i ddweud bod yr haf eleni eto wedi darfod, a bod amser y cynhaeaf wedi mynd heibio (er testun diolch sy gennym yma o weld cynulleidfa hardd iawn yn dathlu’r cynhaeaf, a swm o rhyw £600 wedi’i  casglu at y BMS yn y swper cynhaeaf)

Ond beth am osodiad Jeremeia “a ninnau heb ein hachub” ydy hynny’n wir amdanom ni?

Wel, y newyddion da yw taw dydd gras yw hi o hyd, ac fel dywed yr emynydd “Aeth yn brynhawn mae yn hwyrhau”, ond diolch iddo “mae drws trugaredd heb ei gau”

Heddiw yw dydd iachawdwriaeth - daliwn ar y cyfle heddiw o dderbyn Iesu fel ein Gwaredwr personol.

 H.Vincent Watkins (Gweinidog)