Neges y Gweinidog

Rwy’n hoff iawn o’r Mis yma. Y Gwanwyn yn ei anterth. Lliwiau’r blodau, blagur ar y coed.  Bywyd newydd wedi dod i’r tir. Mae’r mis yn fy atgoffa hefyd bod bys y cloc yn cerdded  - penblwydd arall i’w ddathlu a chyfle newydd i ddiolch i Dduw a dweud

“Hyd yma y cynorthwyodd yr Arglwydd nyni.”

Mae gair Duw hefyd yn ein cynghori i brynu yr amser, a defnyddio bob cyfle a ddaw i ogoneddu enw ein Gwaredwr Iesu Grist.

 Fe fyddwn hefyd yn dathlu penblwydd yr Eglwys ac yn cofio ar y Sulgwyn am dywalltiad nerthol yr Ysbryd Glân.  Boed i ni weddio gyda’r emynydd am dywalltiad eto ar Gymru ac ar Eglwys Iesu Grist.

O anfon di yr Ysbryd Glân yn enw Iesu mawr

A’i weithrediadau megis tân o deued ef i lawr

 H.Vincent Watkins (Gweinidog)