Neges y Gweinidog

 Mae Mis Ebrill wedi cyrraedd eleni eto ac rydym eisoes wedi cael cyfle i gyhoeddi

“Yr Arglwydd a gyfododd, yr Arglwydd a gyfododd yn wir” 

 Fel y dywedodd y Parchg Peter Thomas, cyn-ysgrifennydd Undeb Bedyddwyr Cymru rhywdro,  Pobl y Pasg mewn Groglith o fyd yw Cristnogion. Yn gwybod o brofiad bod yr Iesu eto’n fyw, a’r gwaith sydd dan ei law.

Dyw hynny wrth gwrs ddim yn lleihau nac yn negyddu'r ffaith fod y dasg o gyflwyno’r Efengyl yn y Gymru gyfoes yn mynd yn anoddach o flwyddyn i flwyddyn. Er hynny, diolchwn yma yng Ngharmel am gefnogaeth gyson tîm o weithwyr selog a ffyddlon i waith yr Arglwydd Iesu. Halen y ddaear a goleuni’r byd yng ngwir ystyr y gair. Gall neb wadu fod y gelyn yn gryf, ond diolch byth mae’n Duw ni yn gryfach. Pwyswn arno am gryfder ac am gyfeiriad. Pwyso ar Iesu dyma gryfder sydd yn dal y pwysau i gyd.

Peidiwn ag edrych i gyfeiriad y byd, fe fydd hynny yn siŵr o’n digalonni. Edrychwn i gyfeiriad yr Iesu a’i groes a chofiwn

“Bu rhyw frwydr rhyfedd iawn ar Galfaria ------

     cafwyd buddugoliaeth lawn Haleliwia”

Mae’r Iesu wedi cario’r dydd caiff carcharorion fynd yn rhydd.

 H.Vincent Watkins (Gweinidog)