|
DIGWYDDIADAU |
|
Eglwys y bedyddwyr carmel baptist church pontlliw |
|
Hafan |
|
English |
|
Ble i ni? |
|
Beth sydd mlaen |
|
Hanes yr Eglwys |
|
Ymlaen mis yma |
|
Digwyddiadau |
|
Ti a Fi |
|
Ysgol Sul |
|
Dyma gyfle i chi weld beth sydd wedi bod yn digwydd yng Ngharmel yn ystod y flwyddyn diwethaf. |
|
Gwefannau |
|
Rhagfyr 2011 |
|
Am fwy o luniau’r Nadolig gwelwch dudalennau “Ti a Fi” a’r Ysgol Sul. |
|
CARMEL YN DATHLU’R NADOLIG, 2011.
Cychwynnwyd dathliadau’r Nadolig yng Ngharmel ar yr 17eg o Ragfyr gyda pharti Nadolig i blant a ieuenctid y Festri. A’r festri yn llawn, cafwyd hwyl a sbri a danteithion diri. Cafwyd gwen ar bob wyneb wrth i’r plant a’r ieuenctid dderbyn anrheg Nadolig oddi wrth Siôn Corn. Prynhawn hapus. Diolch i bawb a weithiodd yn galed i drefni’r cyfan yn ddirwgnach. Ar y Sul dilynol, sef yr 18fed, cynhaliwyd ein Drama Nadolig. Dyma berfformiad gwych, yn dangos talent y rhai bach ( addewid i’r dyfodol ), ac yn enwedig y bobl ifanc. Bu’r gwahanol olygfeydd yn wledd i’r llygaid. Yn ystod y ddrama cafwyd eitemau o ddarllen, adrodd a chanu gan yr ieuenctid, a phob un yn llanw ein calonnau a bendithion a diolchgarwch. Carwn, ar ran yr Eglwys, ddiolch i Brenda a’r tîm am fore fyth gofiadwy, y gorau am gyfnod hir. Ac i Dduw bo’r gogoniant. Yn y prynhawn cynhaliwyd oedfa’r oedolion, a drefnwyd gan Pauline. Bu y brodyr a’r chwiorydd yn rhannu hanes llinach yr Iesu ac yn dangos mai nid o deulu uchel-ail yn unig y daeth ein Harglwydd, ond bod pum chwaer yn perthyn i’r teulu nad oeddynt o gymeriad glan, (darllenwch bennod 1 o Efengyl Mathew). ‘Roedd yr ymateb yn gynnes a phawb wedi derbyn bendith o’r neges a oedd yn gorffen gyda hanes y geni ac yn croesawu pawb i benlinio wrth y crud. Dydd Sul a fu’n clodfori Duw ac yn agor y ffordd at y preseb. Ar nos Lun y 19eg o Ragfyr cynhaliwyd Oedfa Garolau yng Ngolau’r Canhwyllau. ‘Roedd hi yn noson hyfryd, a’r Capel dan ei sang, (‘roedd yn agos i 200 yn bresennol). ‘Roedd y Capel wedi ei addurno gyda chanhwyllau a’r olygfa yn creu naws fendithiol dros y lle. Bu’r darlleniadau a chanu’r carolau yn rhoi hwb i’r galon, ac yn mynd â ni yn agosach at y crud. Noson yng nghwmni’r Ysbryd Glan yn wir. Ar ôl y gwasanaeth cawsom gyfeillach dros baned a mince pie, a phawb yn mwynhau cwmni’i gilydd. Ar fore Sul y Nadolig cafwyd oedfa Gymun Dwyieithog. ‘Roedd y Capel yn gysurus lawn a’r awyrgylch yn gynnes. Cafwyd neges gan ein gweinidog y Parchedig H. Vincent Watkins, a fu’n dangos neges yr ymgnawdoliad yn glir ac yn fendithiol. Cymerwyd at y Cymun Sanctaidd gan y Parchedig D. Islwyn Davies. Diolch i Dduw am Ei bresenoldeb gyda ni drwy gydol yr Ŵyl. Edrychwn ymlaen yn awr i Sul cyntaf Ionawr 2012 pan fyddwn yn cynnal Oedfa Gymun ddwyieithog. Dymunai aelodau a ffrindiau Carmel, Pontlliw, flwyddyn newydd yn llawn bendithion i holl ddarllenwyr y Seren.
PJE.
|
